Dimars damb maitin assolelhat; tarde damb possibilitat de tronada.

Aué Dimars 6 de març, auram un maitin pro assolelhat damb quauqui intervaus de bromes. Pera tarde aumentarà era nivolositat damb ua probabilitat nauta de plojats; poderíem veir es prumères tempèstes damb trons e relampits der an. Còta de nhèu enes 1.300 m en tot descéner cap as 800 m a darrères ores. Se poderien acumular de 10 a 15 cm en còtes nautes. Vents damb quauqua bohada moderada de sud-oest pendent eth maitin, en tot cambiar ath nòrd pera tarde.
Temperatures similares as jornades anteriores (2°/12° en Bossòst, -6°/-1° en còta 2.000).

Eth dimèrcles 7, pendent era maitiada e prumères ores deth maitin, auram nivolositat abondiua damb quauques precipitacions fèbles e intermitentes e còta de nhèu sus es 700 m. Era rèsta dera jornada serà pro assolelhada. Vents fèbles damb quauques bohades moderades de nòrd.
Temperatures en leugèra descenuda (0°/11° en Bossòst; -7°/-3° en còta 2.000).

Eth dijaus serà pro caperat damb quauques precipitacions fèbles e intermitentes damb còta de nhèu que pujarà des 800 cap as 2000 m. Vents moderadi de sud.
Temperatures en leugèr ascens (2°/14° en Bossòst; -5°/0° en còta 2.000).